WILLEMSTAD. - For di wikènt último tin un vehíkulo kimá riba e kaminda ku ta dirigí pa Bullenbaai. Ta trata di un vehíkulo prosedente di atrako.

Durante di un kaso di atrako malechornan a kita e vehíkulo for di nan víktima. E atrako aki a tuma lugá djaweps último na altura di un hotèl na Piscadera.

Wikènt último outoridatnan a deskubrí e vehíkulo plumá i kimá.

Te ku ayera a laga loke a sobra di e vehíkulo kantu di kaminda.

E área aki ta unu ku hopi turista sa bishitá pa entre otro bai laman i esaki no ta un bunita bista.

Ta spera ku mas pronto posibel deshasí di e vehíkulo na un manera korekto i no lag’é kantu di kaminda.