Pa awe mas no

WILLEMSTAD.-Hinter komunidat ta masha pendiente di formashon di gobièrnu nobo. Esaki a bira mas krusial na momentu ku den kurso di ayera a bira konosí ku Eduard Braam(MFK) a retirá su kandidatura komo minister, miéntras ku tin diskushon serio si Ramon Chong lo pasa screening si òf no, òf si PNP ta keda sostené Chong su kandidatura komo minister.

Investigando e desaroyonan EXTRA a buska kontakto ku formador Chester Peterson pero e no ta alkansabel, miéntras ku na Orange Estate na Dominguitu direktiva di Partido Nashonal a drenta un reunion krusial riba posishon di nan miembro Ramon Chong.

Informashon ku EXTRA ta dispone di dje ta indiká ku formador lo no bai entrega su relato na gobernador. Pa awe esei no ta bai sosodé mas. Tin indikashon sinembargo ku na tur momentu formador lo por mèldu ku e ta kla pa bai gobernador i na momentu ku e ta kla ta sigur ku e lo por bai palasio di gobernador.