WILLEMSTAD.- E asosashon di restorantnan di Kòrsou CRA ta di akuerdo ku e yamada di Chata ku ta boga pa kódigo hel pa Kòrsou entrante 1 di mart. Di e forma aki mester pone turismo bèk riba pia i duna un “boost”  na ekonomia di Kòrsou. Ounke restorantnan for di suavisashon di e medidanan dia 11 di yanüari di e aña a bira poko atraktivo bèk ku eksepshon di e falta di turismo.

E kontribushon di turismo ta esensial pa restorantnan. Chata ta boga pa entrante 1 di mart introdusí kódigo hel bèk pa Kòrsou pa asina pro haña e turista di Ulanda bèk aki nan.

Na e momentu aki entre otro, dor ku no tin seguro di biahe pero tambe debí na e bèrgwensa di e fakansinan kreá, e turismo di Ulanda ta sigui ta mashá abou. Ulanda tin di marka Kòrsou bèk komo hel ya ku nan ta sakando avisonan di biahe.

Restorantnan di Kòrsou meskos ku hopi otro empresa a pasa dor di momentunan masha difísil. Durante di lunanan normal di e temporada haltu di desèmber i yanüari, tabatin prohibishon i un toke di keda. Komo resultado tabatin un kuminsamentu di aña masha difísil. E medidanan aktual ya ta mehorando pero e turismo ta duna un parti supstansial di volúmen di negoshi. E kantidat di esaki ta varia pa restorant pero gran parti di restorantnan ta saka parti di nan entrada for di klientenan di eksterior. Algun di nan tabatin problema pasobra nan ta dependé prinsipalmente di turista, i e bankarota ta parti inevitabel si sigui falta turista.

I p’esei CRA ta di akuerdo ku Chata ku mester hasi tur kos posibel pa rekuperá e estado di kódigo hel. Ku e sifranan aktual di COVID-19 na Kòrsou esaki ta posibel. E restorantnan tin protokòlnan ku ta prevení e plamamentu mas tantu posibel, ademas e pruebanan di PCR obligatorio ta kontinuá pa garantisá ku e no ta yega na infekshonnan nobo di eksterior.