WILLEMSTAD.- Curacao Restaurant Association (asosashon di restorantnan di Korsou) ku desapunto a tuma nota i e medidanan nobo relashoná ku Corona Vírus, kaminda restorantnan tin di bai sera 8 or di anochi.

A Sali na kla ku ta enkuentronan na kas ta esnan ku ta e kousantenan di mas grandi di e kontagionan i no horeka, pero atrobe ta dal e sektor aki masha duru.

No ménos ku un siman despues ku a alarga e orario di TDK anochi ku un ora mas, algu ku CRA a traha duru ariba.E orario di sera di 8 or ta bira algu imposibel pa e sektor di restorant por haña sufisiente entrada.

Esaki lo trese kuné ku e kantidat di bishitantenan tambe lo baha bek. CRA ta di opinion ku gobièrnu mester bin ku sosten finansiero adishonal, sino  lo sigui hopi establesimentu ku ta bai fayit.

Petishon pa yudansa finansiero den pasado nunka nan a logra pero ku e medidanan aki lo bira imposibel pa tene e sektor habri. Mester pone bek riba mesa e TVL (Tegemoetkoming Vaste Lasten) manera tin na Ulanda.

“Ta un bòfta den kara di horeka:,m segun mènedjer di negoshi di CRA Egon Sybrandy a bisa; “restorantnan tin po9ko kontagio i por lo general a komportá nan mes pa ku e reglanan, i p’esei ta mas ainda lamentablemente ku nan ta esnan ku tin di karg’e di e forma aki”.

CRA lo hasi su bèst pa stimulá hendenan pa Sali bai kome mas tempran pa asina por tene pèrdida di entrada abou, pero nan ta bisa na mes momentu ku e lo bira algu difísil.

Restorantnan lo hasi lo máksimo pa pa saka mas ku nan lo por for di e  oranan ku nan por keda habri i lo pidi wéspetnan pa skùif nan orario poko.

CRA ta teme ku lo tin hopi restorant ku ni por logr’e finansieramente i lo pidi pa fayesiment.