WILLEMSTAD.- Ayera di dia kla un biaha mas Centrum Mahaai a bira víktima di atrako.

Atrobe un hòmber armá i kara tapá a presentá na e sitio parti patras, mesun kos ku biaha pasá, i eksigí plaka kèsh.

No ta konosí si e sospechoso a logra bai ku algu pero despues di su akto el a hui bai na pia i pa probablemente despues drenta un vehíkulo.

Polis i tim di atrako a presentá na e sitio i a tuma keho pa por kontinuá ku e investigashon.