WILLEMSTAD - Awe den oranan di mainta polis di Montaña a bai na un kas ku ta keda na Kaya Balofon den área di Nort Sta. Rosa pa un kaso di ladronisia. Na yegada di polis a haña di komprondé ku no ta trata di un kaso di ladronisia si no un kaso di atrako. Tres hòmber arma a drenta den e kas i a atraká e famia. Nan a bai ku basta sèn kèsh, prenda i otro artefakto nan. Tim di Atrako i TOD a presentá na e sitio pa mas investigashon.