WILLEMSTAD.- Un ratu pasa, den kareda di 12 or awe mainta un habitante di un kas den Reigerweg ta resultá fatal den un kaso di atrako. EXTRA no tin masha informashon ainda den e kaso aki ya ku tin diferente outoridat presente entre nan polisnan, Marechaussee, unidat forensiko i e kaya ta hermetikamente sera. Loke nos por bisa ta ku ta na un kas di famia den Reigerweg parse tabatin un atrako i un persona na e kas a resultá gravemente herida i a fayesé na e sitio. Pa mas detaye nos ta spera e informashon ofisial di polis. Tampoko nos por bisa na kua kas ainda teniendo na kuenta ku e investigashon di tur outoridatnan ta tumando lugá aktualmente. E situashon ta unu di basta tenshon i ya tin personal di Slachtoffer hulp na e sitio di krimen.