WILLEMSTAD.- Sentral di polis a risibí notifikashon di un kaso di atrako awe mainta 5:30 am. E informashon inisial ta indiká ku ta dos persona lo a sorprendé un empleado di Goisco na momentu ku esaki a bai den ofisina di e supermerkado. Ta parse ku e 2 malechornan tabata den e ofisina kaba ta spera e dama empleado yega trabou. Probablemente e tiponan lo a baha for di dak, asina bosero polisial Imro Zwerwer a duna di konosé na EXTRA.

E tiponan a bai ku sèn, ounke na e momentunan aki polis no por bisa ta kuantu sèn nan a bai kuné.

Atrako mainta tempran na Goisco

WILLEMSTAD.-Awe mainta tempran a tuma lugá un kaso di atrako na e negoshi Goisco. Informashon kompilá ta indiká ku malechornan lo tabata warda e persona ku ta habri mainta pa asina por gar’e di sorpresa i kita e kantidat di sèn ku e persona aki lo por yega kuné pa e negoshi por operá kuné den oranan di mainta.

Polisnan a bai na e sitio i lo mester a topa ku e persona mará. E promé informashonnan ta indiká ku ta por lo ménos 4 hende hòmber lo tabata embolbí den e kaso aki. Keda pendiente asina ku tin mas detaye, EXTRA lo suministrá esei.