WILLEMSTAD. - Tabata 2.30 di mardugá ora ku Sentral a di Polis a haña informashon ku tin un atrako lo ta tumando lugá na Veneto Casino na Holiday Hotel. Vários Patruya di polis a bai a e sitio i asta tabatin patruya di polis ku a bai stashoná den área di Aqualectra na MunduNobo kantu di awa, pa posibel huida di e atrakadornan via di koredó. Promé informashonnan no ofisial ku EXTRA por a kompilá for di fuentenan na e sitio, ta indiká ku 5 hòmber bistí na pretu a drenta den e kasino probablemente nan a drenta via Dennys. Afortunadamente tur e trahadónan a sali ileso for di e atrako aki. Despues di a kaba di kue e plaka e sinku hòmbernan aki a bandoná e sitio. Esaki ta e promé informashonnan no ofisial ku a yega na redakshon di Extra. Den kurso di dia i den EXTRA di mañan lo tin detayá amplio.