WILLEMSTAD.- Ayera mainta un grupo basta grandi di Art Heals Foundation a biaha pa Costa Rica pa un biahe di mishon. Ta trata aki di un fundashon ku tin komo meta pa demostrá ku meskos ku kualkier profeshon den bida, ku arte tambe bo por yega leu.
Ku e meta aki nan a yega di bai Cuba na 2013, kaminda a haña workshop di mural, 2014 a bai Florence Italia, pa sera konosí ku e Renasementu i su artistanan i 2017 nan a bai New York, Art Leaque na Chelsea, pa haña workshop den e material olio.
Ta trata aki di un fundashon ku ta tuma arte na serio i pronto ta bai tende mas di e biahe ku nan a kaba di hasi aki. Un kos ta sin duda, Kòrsou ta riku na talento. Keda pendiente pa mas.
