WILLEMSTAD.- E avion C-17 di Marina Ulandes a yega Kòrsou awe mardugá for di Ulanda. E avion aki, un Heavy Airlift Wing ku ta stashoná na Papa Airbase na Hongarije a Sali for di e base na Eindhoven ku kargamentu pa duna e promé yudansa na Isla Riba. E avion a baha awe mardugá na Hato kaminda e kargamentu lo keda pone den otro avionnan i tambe den barku pa bai rumbo di e área di desaster, den e kaso aki Isla Riba. Pero si e pista ta den bon estado e avion Hercules aki mes lo por biaha pa einan.

Un buelo ku e avion Dash di patruya di warda kosta a hasi riba e airopuerto di St.Maarten a duna indikashon ku esaki por keda usa. Tantu Zr. Ms Zeeland komo Zs. Ms Pelikaan a Sali bek pa Kòrsou pa asina evitá orkan Jose ku tambe ta pasando e islanan aki den kurso di awe mèrdia pa atardi. E dos barkunan ei lo buska artíkulonan for di Kòrsou pa bai bek Isla Riba pa duna yudansa.