WILLEMSTAD - Ministerio Públiko (OM) Kòrsou, den konsulta ku BVA Auctions, a disidí pa pone na findishi atrobe e avion Canadair Ltd. “Challenger 601-3A/ER ”. Esaki pa motibu di falta di pago di parti di e persona ku a ofresé mas tantu plaka pa e avion. E persona a paga su ‘downpayment’ pero esaki tòg no a resultá den e benta. OM Kòrsou a disidí den kuadro di ful transparensia,  pa pone na benta atrobe e avion.

E “Challenger 601-3A/ER” ta un avion di 1989 di dos motor turbo, ku 11 asiento pa pasahero ku registrashon Merikano. E findishi ta start awe tardi I ta sera 7 di mart 2018. E montante ku ta inisiá ta 100.000 dollar merikano.

E djèt a keda konfiská den un kaso di trafikashon di droga. E aña aki, korte a kondená e piloto Metin Timucin na 6 aña di prisòn i e kurasoleño di fam Winklaar ku a transportá droga hiba e avion tambe 6 aña di prisòn. E hòmber turko Timucin tabatin yabi di e avion ora el a keda detené.

Pa mas informashon i pòrtret por bai e link: https://www.bvaauctions.com/auction/lot/31886/10399003

Den edishon maya di EXTRA lo tin mas detaye