Gilbert Martina
Gradisimentu
Ami
Gilbert Martina
(Miho konosí komo Bibi)
Kier a gradisí tur mi subrino i subrinanan, spesialmente Vivian i Lunset ku a yuda mi semper na ora ku tabata tin mester. Danki na bos(o)nan tur ku a asistí na mi entiero.
Boso atenshon i presensia tabata un gran konsuelo pa mi famianan.
Mi kier a manda un gradisimentu spesial na Darwin Gregg ku a kompaña ami i mi famianan ku kanto te na final dimi entiero i tambe ku a yuda mi yega te den festival di tumba na aña 2000, ku e komposishon di Mi So Mi So.
Danki ta bai na Chicu Capriles ku semper a sa di saka un man pami na momentu ku mi tabata tin mester dimi flus nan. Danki tambe ta bai na Mokey Job ku semper a sòru pami asesorionan ta “onfleek”.
Danki na Alicia Barbolina, Fabrika di Coca-Cola, Notaris Kantoor Alexander, tur e kòkinan di Plaza Bieu ku semper mi a molestia pa mi risibí un di nan delisioso platonan.
Danki na tur e shòfur nan di bus ku mayoria biaha a transporta mi sin kobra mi nada.
Danki na Afdeling Tamarein di Habaai ku a brinda mi un tremendo trato pa 10 aña largu. Spesialmente Zuster Mayra ku mi no por laga afo, kual tabata e ‘hoofdzuster’ di Afdeling Tamarein. Tur aña na momentu kumi kumpli aña, tabata brinda mi sea Hofi Wayaka of nan patio pa mi hasi mi fiesta na unda henter Korsou tabata bonbini pa selebra ku mi persona.
Danki na tur persona ku a duna nan aporte pa kristalisa tur Bibi su fiesta nan. Daisin no por keda afo, tur aña di nobo ku su sukulento pasapalu nan pa Bibi su fiesta. Bibi no ke laga niun nòmber afo, pero ta imposibel menshoná tur pèrsona.
Reinier Lijfrock danki di a kompaña Bibi te na su lastu lugá di sosiegu ku un tremendo ambiente manera semper e tabata gusta. #Heru #MisoMiso.
I lokual ku mi a stima tabata mi kaha di òrgel ku no a hasi falta te na mi ultimo lugá di sosiegu. Si Bibi a lubidá di menshoná un pèrsona, despensa Bibi pa motibu ku ta muchu hopi hende pa menshoná.
Pero bos(o)nan sa ken bos(o)nan ta.
Un danki tambe ta bai na Grupo Ritmiko Kondjemba i Dj Papi ku tur aña di nobo tabata tei pa anima mi fiesta ku un tremendo ambiente.
Danki na Iris di Kirindongo Abou. Tol Van Uytrecht bo ta korda kuantu ma baila na bo kas? Pasa masha dushi mes. Manera bos(o)nan tur sa Bibi tabata un amante di seu i un karnavalista ‘del alma’, tur aña mi tabata tei presente pa yuda engrandese nos marchanan.
Lamentablemente pa motibu di e temporada ferfelu ku nos ta konfrontando kual ta e epidemia di Covid-19, no tabata tin posibilidat pa bos(o)nan tur por a despedi di Bibi. Pero di kurason Bibi ke yama bos(o)nan masha masha danki.
Bibi no ke despedi yamando bos(o)nan ayo, sino te despues.
Agradicimientonan hopi emocionalmente y bunita. E agradicimientonan aki ta “touch” y “sacudi” bo cozazón. Forza pa esunnan ku a keda atras.
Hopi bunita e gradisimentu aki. Riba Korsou Bibi tabata mas konosi ku rei Willem Alexander i pesey Bibi tabatin hopi amigu i amiga. Bibi bo mishon ta kumpli. Riba Korsou no tin espasio pa un otro Bibi pasombra Bibi ta Bibi i e tabata uniko.
Bibi no tin pa iguala bo. Sosega na pas.
Drumi dushi den brasa di Senjor
Hopi bonita bisa sasega na pas lo bo geda semper den nos mente especialmente temporada di karnaval
Bibi sosega na pazsigi gosa den cielu ku bo angel nn wardador
Bibi drumi dushi sosega na paz sigi gosa den cielu kubo angel nn wardador