Ilse
Ilse
ILSA, asina e yama
Hopi a yame Ilse, awe e no tey mas ku nos
Algun aña pasa e la kuminsa sinti ku tin algu robes
Ora a deskubri kiko e enemigu ta, kanser, e no a hasi kosnan mas fasil pe
Nos no tabata sa kiko spera, ni kiko futuro lo trese, pero a sosten’é den su deseo i lucha pa biba
Ultimo tempu, Ilsa a kuminsá bai laga nos, poko poko, pida pida i hopi duru pa mira
Su lucha a bira un ayó hopi largu, den un kaminda ku finalmente a kondusí na bahada di solo pa semper
Pero ku su alegria di tur dia, manera semper nos a konosé
Nos tabata pidi pa un manera pa skap’é
Den skuridat di e malesa, na final bo a drif bai hopi lihe for di nos, sin ku por a tresebu bèk
Nos ku abo tabatin un union, un tim, kaminda semper bo tabatin bo lugá speshal
E pèrdida aki ta hopi kruel pa nos, ku sa kuantu bo a duna nos
Nos a yamabu ayó siman pasa, miéntras ahinda bo tabata sa ken nos ta
Bo famia i nos a hasi tur posibel pabo ta bon kuidá
Tin di nos ku a keda den bo banda tur dia
Nos ta wak bo portrèt i ta mira nos historia di kasi trinta aña, di trabou, amistat i amor inkondishonal
Ken nos lo ta si nos no korda kiko bo a nifiká i kuantu alegria bo a trese pa nos ku bo karakter alegre
Segun bo Dios tin su plan
Solamente nos no por kompronde, dikon Dios a laga e malesa hòrta tantu kos asina for di abo i for di nos
Dikon net abo, nos Ilse
Un muhé ku su manera simpel i alegre a kontagiá nos ku su positivismo, semper kontentu, tur dia atrobe, te na fin
Lokual bo ta laga pa nos, meskos ku abo mes, lo keda pa semper ku nos. Semper ku nos den nos kurason
Drumi dushi Ilsa!
Bo ruman-koléganan di Sulvaran & Peterson