WILLEMSTAD.- Extra a tuma nota di un situashon sumamente a-higiéniko ku tin den Ansinghstraat. Aki tin un kloaka ku ta saka awa di fekalia i ta produsí un holó hopi stinki den e área. E kloaka aki ta nèt dilanti di un “Bed & Bike”, i trahadónan tin di basha produkto tur dia pa kombatí e holó stinki, pa despues hala e awa for di dilanti di e hotèl. Nos a komprondé ku ta for di novèmber aña pasá e situashon aki a kuminsá, a tuma kontakto ku tur instansia konserní, pero sin logra haña un solushon. Komersiantenan den e área ta hasi un supliká pa e instansianan konserní tuma nota di e situashon i pa remediá esaki.