WILLEMSTAD.- Na luna di yüli último EXTRA a pidi atenshon pa un situashon di awa di fekalia ku ta basha riba e kaminda di Playa Kanoa.  Nos promé publikashon tabata dia 13 di yüli i despues di 2 siman e situashon tabata meskos i nos a bolbe pidi atenshon. E situashon a keda mehorá finalmente. E kaya aki ta unu hopi usá pa lokal i turistanan ku ta pasa bai Playa Kanoa i Noorkant. E awa di fekalia sinembargo ta krusa riba e kaya kousando un situashon a-higiéniko i un bista no agradabel pa e bishitantenan. E situashon atrobe ta meskos ku na yüli. Atrobe nos ke pidi atenshon na e instansianan ku a yuda aliviá e situashon pa tira un bista.