Awa ta sigui subi den paisnan Europeo

ULANDA.- Den diferente pais Europeo, e nivel di awa a sigui subi djaluna. Den sierto siudat, manera Paris i Nijmegen na Ulanda, vários brùg a wòrdu será debí ku esakinan lo bai bou di awa. Nijmegen a sera su Waalkade pa tur tráfiko. E brùgnan sera aki ta nifiká entre otro ku un parti di e tráfiko den siudat mester hasi un ‘omweg’. Ainda no ta evidente kon largu e siere lo dura.

E munisipo a kita bòrchinan di tráfiko, banki i kashinan d koriente. Lus di kaya serka di Waalkade a wòrdu pagá. Den último diessinku aña, solamente un biaha e Waalkade mester a wòrdu será. Lugánan kaminda hende ta kana keiru awor ta bou di awa.

Debí na e nivel haltu di awa, outoridat a sera diferente brùg i kaya den área di e rivir Seine na Paris. E nivel a subi djaluna na kasi 4 meter i segun indikashonnan esaki por sigui krese.

Den e siudat Kolonia di Alemania, outoridat a registrá un nivel di awa di 8,77 meter. Outoridat ta ferwagt ku esaki ta sigui subi ku algun centimeter mas i despues baha. Düsseldorf a registrá 8.40 meter. Riba fotonan por mira situashon di awa na Nijmegen. Fotonan di sra. Jacky Visser.

SHARE

LEAVE A REPLY