WILLEMSTAD.- Ayera mardugá outomobilistanan atento a tuma nota na altura di Sta Helena ku awa tabata spùit manera fòntein. Tur kos ta indiká ku ta un pipa di awa di Aqualectra a kibra. Mesora nan a yama e sentral di Aqualectra pero a haña un mashin ta kontesta. A purba diferente bia pero sin logra i ta te mainta por a komuniká ku Aqualectra pa nan por bai drecha e pipa aki. Pero miéntras tantu ta hopi awa a bai pèrdí.