WILLEMSTAD - Awe mainta a ekstraditá e hòmber E.A.M.-M. (Venezuela, 30 ougùstùs 1976) pa Merka. For di 13 di ougùstùs 2016 e tabata den e asina yamá detenshon di ekstradishon den SDKK na Kòrsou pendiente pa e proseduranan legal rondó di e ekstradishon.

Na airopuerto Hato el a keda entrega dor di polis di Kòrsou na agentenan federal Merikano, esta US Marshalls pa abordá un vuelo komersial pa Merka. Ta trata di un ekstradishon riba petishon di Department di Estado, pidi pa US District Court for the Southern District of Florida.E sospechoso ta ser buska pa Merka pa trafikashon di droga. E ekstradishon a tuma lugá a base di tratadonan firma.