Tres kaso a rekuperá

WILLEMSTAD.-Informashon di direktorado di komunikashon di gobièrnu ta informá ku awe dia 9 di sèptèmber 2020 tin nuebe kaso nobo di hende infektá ku Corona vírus. E informashon ta bisa ku dos di e kasonan ta importá, den e kaso aki ta kambio di tripulashon, miéntras ku kuater kaso ta resultado di ‘contact tracing’ ku ta nifiká ku ta kasonan liga na kasonan eksistente. Tin tres kaso, for di e nuebe di awe, di kua nan fuente no ta konosí ainda.

Un nota positivo ta keda esnan ku a rekuperá i den e kaso aki 3 hende ku tabata positivo a rekuperá i ainda tin un persona interná den hospital.

Dr. Gerstenbluth i su tim ta keda enfatisá ku e medida di mas efektivo ta pa mantené distansia sosial i evitá aglomerashon.