Aktividatnan i eventonan planiá mester keda kanselá

WILLEMSTAD. - Antisipando riba yegada di Tormenta Tropikal, Gobièrnu di Kòrsou a tuma e desishon ku awe djárason i mañan djaweps, tur servisio públiko ta será henter dia, te kaminda ku e servisio ta permití, empleadonan públiko ta liber riba e dianan akí.

Pa loke ta trata skolnan, t’asina ku tur skol ta será riba djárason i djaweps ku eksepshon di alumnonan di SKAIH Pre-Universitario (HAVO) ku awe mainta lo bai skol, pa motibu di eksámen ku mester tuma lugá. Esaki pa motibu ku e eksámennan ta tuma lugá na mes momentu ku otro skolnan den Karibe.

Djaweps Gobièrnu lo informá kiko ta bai sosodé ku skol riba djabièrnè promé di yüli. Mas ku klaro tur kos ta dependé di e desaroyo di e kondishon di tempu.

Bishita na detenidonan

Den kuadro di medidanan di prekoushon, tur bishita na detenidonan di Sentro di Detenshon i Korekshon Kòrsou (SDKK) lo keda posponé entrante awe te un próksimo aviso. Pa haña mas informashon di esaki, por bishitá e página di Facebook di SDKK.