Por tin tambe formashon di hos

E situashon general durante próksimo 24 ora, un airu for di nort ost lo trese algun di e nubianan den nos region. Tin di e nubianan aki lo generá momentonan ku áwaseru riba Kòrsou. Durante di awe djabièrnè, tin chèns pa desaroyo di áwaseru ku por tin bos ku welek, tambe por tin formashon di hos. Mas aleu, presensia di tormenta tropikal Sebastien riba osean Atlántiko lo sigui afektá e régimen di bientu relativamente suak riba e parti ost i sùitost di Caribe.

Esaki ta trese kuné un tempu parsialmente nublá ku chèns pa algun áwaseru lokal. Tin chèns pa bos ku welek durante di dia riba djabièrnè.

Temperatura máksimo lo alkansá 31°C i temperatura mínimo di 24°C.

Bientu lo supla prinsipalmente nortost i suak te moderá; forsa 2 te 4 (7 te 30 km/ora, 4 te 16 nudo).

Kondishon di laman ta trankil ku altura di olanan te ku 1 meter (3 pia).

Solo ta sali 06:36 i ta baha 18:07 o.l.

Sistemanan signifikante di wer tropikal: Tormenta tropikal Sebastien ta sigui move den un direkshon por lo general nort, alehando for di área di Caribe. E tormenta aki no ta forma ningun menasa pa Kòrsou.

Perspektiva te djasabra atardi ta por lo general parsialmente nublá i momentunan ku áwaseru.

Pronóstiko di tempu pa Kòrsou i bisindario bálido te djabièrnè atardi 6 or.