WILLEMSTAD.- Awe Konseho di Minister lo mester tuma desishon riba pago di bónus di fin di aña na tur ámtenar. Manera EXTRA a informá anteriormente ta intenshon ku pago di bónus ta tuma lugá normal.
Den e kuadro aki e sindikato ABVO, a manda un karta pa gobièrnu ku e petishon pa den kaso ku no ta paga bónus pa duna empleadonan públiko henter dia liber dianan 24 i 31 desèmber na lugá di mitar dia. Esaki komo forma den èkstra kompensashon den kaso ku no paga bónus.
Ya kaba ta konosí ku penshonadonan ku ta kobra penshun di AOV lo risibí nan bónus di fin di aña normal. Pa selebrashon di fin di aña si e situashon ta otro.
Mirando situashon finansiero pésimo di gobièrnu a disidí ku gobièrnu no ta paga gastunan di selebrashon pa fin di aña pa niun di e órganonan di estado.