WILLEMSTAD.- Pasaheronan ku pasashi di Jet Air ku a keda pegá, riba e ruta Kòrsou – St. Maarten i Sint Maarten – Kòrsou, tin oportunidat pa bula awe, dia 25 di yüni 2024, mes.
Gobièrnu di Kòrsou, huntu ku Ofisina di Turismo (CTB) i Curaçao Airport Holding (CAH) a hasi e repatriashon posibel.
Buelo entre Kòrsou i Sint Maarten ta bula 13 or, buelo entre Sint maarten i Kòrsou ta bula 15.30 or.
Rekisito di biahe: pasaporte bálido, JetAir Ticket i ‘1 allowed check-in bag’.
Ta pidi tur hende pa bin aeropuerto ku tur dokumento nesesario 3 ora promé ku buelo.
