Fenómeno spesial: Durante awe djaweps den mèrdia 12:39 ora lokal, solo lo ta posishoná presis riba Kòrsou. E posishon di solo mas haltu aki, asina yamá Zénit ta sosodé dos biaha pa aña, den luna di aprel i tambe ougùstùs.

E situashon general pa e próksimo 24 ora, no ta antisipá muchu kambio den e tempu aktual i un wer seku lo prevalesé. Mas aleu, bientu lo sigui supla generalmente moderá den nos área durante e próksimo dianan.

Esaki ta trese kuné ku tempu ta keda leve te parsialmente nublá sin áwaseru signifikante

Bientu: For di direkshon generalmente ost i moderá; forsa 3 te 5 (12 te 39 km/ora, 7 pa 21 nudo). Ráfaga de bes en kuando posiblemente fuerte; forsa 6 (40 te 50 km/h, 22 te 27 nudo).

Temperatura máksimo lo alkansá 33 ºC, i temperatura mínimo di 28 ºC.

Kondishon di laman: Moderá ku altura di olanan entre di 0.5 pa 1.5 meter (2 pa 5 pia).

Solo ta sali 06:25 i ta baha 18:53 o.l.

Sistemanan signifikante di wer tropikal: Tormenta Tropikal Chantal a desaroyá ayera anochi riba Atlántiko Nort i ta move den un direkshon ost riba laman ganchu. E sistema aki no ta forma un menasa pa Kòrsou ni su bisindario. Bou di #1 riba e foto tin un área di disturbio na nortwèst di Bahamas. E área di disturbio aki ta desaroyando slou i tin un chèns chikí bou di 20% pa formashon den e próksimo 5 dianan.

Perspektiva te djabièrnè atardi: Por lo general leve nublá i generalmente seku.

E pronóstiko di tempu aki pa Kòrsou i bisindario ta bálido te djaweps atardi 6 or.