WILLEMSTAD.- Manera a keda anunsiá den Konferensia di Prensa ayera, kontrol na porta di eventonan no ta kanando di un forma korekto.

Tin diferente klup i evento kaminda no ta registrá di un forma korekto, òf no ta registrá mes. Esaki ta nifiká ku mester bai intensifiká e kontrolnan muchu mas pa asina sigurá ku na kada aktividat ta kontrolá i registrá na porta manera mester ta.
Awe e tim multidisiplinario lo reuní pa asina wak di ki forma lo bai hiba e kontrolnan na momentu ku intensifiká esakinan, i pa asina sigurá ku lo no tin un problema mas ku esaki. Posiblemente e kontrolnan mas estrikto lo kuminsá awe mes.

Responsabilidat ta den man di kada organisadó i doño di establesimentu pa asina sòru di kontrolá manera mester ta. Si esaki no tuma lugá, e doño di establesimentu òf organisadó ta esun ku lo mester para responsabel.