WILLEMSTAD.- Net momentu ku ta yegando e lusnan di tráfiko na e krusada di SBN Doormanweg ku Cas Coraweg direkshon nort tin un buraku formal mei mei kaminda. E buraku aki tabata djis algu chikí pero segun dia, siman i lunanan tabata pasa el a bira unu basta hundu. E ta kousa un peliger grandi pasobra shofùrnan ta desviá pe i por topa ku e vehíkulonan ku ta bin di direkshon kontrali. I esun ku no sa di dje ta kai i kibra tur kos bou di su outo. Den wikènt tras di lomba un shofùr a kai ku su vehíkulo den e buraku aki i kibra tayer. Ta pidi yudansa na minister di VVRP ku a logra saka fondo pa drecha kaminda, pa yuda aki tambe.  Kòrsou tin hopi buraku pero esaki ta un di e kayanan hopi usá, hopi drùk i ta pidi atenshon urgente di minister pa esaki.