WILLEMSTAD.- Un siudadano ku ta kria bestia entre otro na Las Almas ta puntra kuantu mas e tin di soportá. Kachónan ta subi su tereno i ta kabando ku su último bestianan.

E persona aki ta kria diferente bestia. Awor kachónan a subi su tereno i a mata su galiñanan ku tabata será den kouchi.

I ora el a yama polis, segun el a konta EXTRA, nan no ta bin tampoko. Riba e kombinashon di fotonan por mira kon e galiñanan a keda plamá morto riba su tereno.

El a bisa EXTRA ku e sa ta kachó di ken, pero ken lo skuch’é? I te ki dia i kuantu mas e tin di soportá.