WILLEMSTAD - E tim multidisiplinario a tene kontrol den anochi di djabièrnè 4 di febrüari i mardugá di djasabra 5 di febrüari 2022. A kontrolá un total di 11 establesimentu, di kua kuater (4) a risibí atvertensia i dos (2) a wòrdu será. E atvertensianan tabata pa entre otro inkumplimentu ku bistimentu di tapaboka, aglomerashon, muzik duru i permití kliente balia.

Un di e lokalidatnan ku a wòrdu será, tabata pa muzik duru i baliamentu pa medio di un vehíkulo ku tabata stashoná dilanti di e negoshi. E otro negoshi a wòrdu será pa inkumplimentu ku orario di sera. Den e establesimentu tabatin klientenan sintá miéntras lusnan tabata pagá i e portanan di e lokalidat tabata será. E kontrolnan aki ta kontinuá.