WILLEMSTAD. - Awe EXTRA ta anunsiá e felis ganadónan di e kampaña di Pensa Gana, ku ayera a yega na su fin pa e aña aki. Manera ya kustumbrá ta trata di un super Kampaña ku for di nasementu di korant EXTRA e kampaña aki ta eksistí i kada aña e ta birando mas i mas un éksito. E aña aki atrobe, mester bisa ku e kampaña tabata un éksito rotundo.

Ta trata di un kampaña fásil i plasentero pa partisipá.

Ayera EXTRA a saka e ganadónan di e kampaña ku tin na total 15.000 florin na premio entre 9 ganadó.

Tin 6 premio kada un di 1000 florin, un premio di 1500 florin, un premio 2500 florin i e premio grandi di 5.000 florin.