WILLEMSTAD. - Ayera tabatin apertura di ‘Dianan Marítimo’ organisá pa Curaçao Ports Authority riba dianan 24, 25 i 26 di sèptèmber. Na e okashon aki tabatin un total di 8 skol sekundario ku un total 856 alumnonan ku lo hasi un bishita den haf i eksperensiá e mundu marítimo na Kòrsou.

Tabatin informashon edukativo di entre otro Warda Kosta, Carmabi, Caribbean Sea Divers, Curaçao Pilots Organization (CPO) su lotsnan i Inspektor di Seguridat di Haf.

Tabata presente tambe, Kompania di Tou Kòrsou (KTK), Ambulance, Curoil, Servisio Meteorológiko, Damen, Uniek Curaçao.

Tabata trata di un programa kargá ku informashon pa e alumno

Apertura ofisial tabata na enkargo di sr. De Castro Direktor di CPA. Tabata un dia ku Kaminda ku por a tuma nota kiko tur haf tin di ofresé alumnonan ku ta futuro di Kòrsou i di industria marítimo.