WILLEMSTAD – Despues ku den luna di Mart a registrá 4 temblor sigui den serkania di Kòrsou, di kual algun a keda sinti pa vários hende, ayera atrobe tabatin un temblor esaki mas serka pero di magnitut mas chikí. Tabata ayera atardi alrededor di 16:13 ku e servisio Sísmiko di Venezuela e tuma nota di temblor ku a keda registrá di un magnitut di 3.0 riba eskala di Richter i tabata na 52 kilometer sùit di Kòrsou i na un profundidat di 40.6 kilometer. Un temblor relativamente mas chikitu kompará ku esnan di den luna di Mart. E temblor mas grandi ku a keda sinti dos luna pasa tabata di 5.5 riba Richter i tabata 65 kilometer sùitwèst di Kòrsou. Den edishon di djaluna di EXTRA lo tin mas detaye di e mas resiente temblor aki.