Kontrali na otro informashon fushon KPMG i Ernst & Young ta sigui normal

WILLEMSTAD.- For di ayera 28 febrüari 2019 tur empleado di e anterior KPMG Dutch Caribbean ku na yanüari 2019 a bira KDC Interim, a krusa kaya i bai Ernst & Young (EY) di manera ku awe nan por a kuminsá ofisialmente den e kompania nobo ku a surgi for di integrashon di KPPMG den EY. Ku otro palabra kontrali na tur otro informashon, e integrashon di KPMG i EY a kristalisá manera plania.

Na KPMG su edifisio na Kaya Don Martina, ta algun empleado a sobra i esakinan mester yuda ‘ruim op’ i kaba di atendé último detayenan. Entre e empleadonan ku a keda ainda tin e 5 partnernan ku tambe yuda den e proseso delikado pa kaba di atendé último detayenan na un manera ordená. E partnernan ta keda pa djis algun luna pa nan kaba di atendé e delaster detayenan nesesario. E partnernan di KDC/KPMG ta Lindomar Scoop, Sanjay Agarwal, Raymond Begina(presidente) i Patrick Newton.

Ku e integrashon di KDC (KPMG DC) ku EY Kòrsou a haña un kompania grandi i fuerte for di e dos kompanianan di renombre mundial ku a uni forsa. Ta di spera ku e ta bira un sentro di konosementu kaminda nos profeshonalnan, pa gran parti lokal, ta sigui brinda nan konosementu i ekspertisio pa un mihó Kòrsou. Pa hopi aña KPMG DC su profeshonalnan ta brinda servisio no únikamente na Kòrsou i eks Antia i Aruba, pero tambe na hopi paisnan den mundu.

KPMG DC i EY komo parti di ‘Big Four’ a traha na un manera diferente i a buska union pa yega na un kompania fuerte. Den e sektor ei di “accountancy & advisory” ta gran mayoria profeshonalnan lokal, bon prepará i ku ta gosa di rekonosementu internashonal ta funshoná. E sektor a konfrontá problema na momentu ku Kòrsou su ekonomia ta bira mas chikí i kaso no tin kompanianan grandi mas. Un kompania manera EY i KPMG na nivel mundial ta pone eksigensianan hopi haltu i kostoso pa  servisio ku nan ta brinda, kual ta mará na un kalidat internashonal.

E deliberashonnan entre KDC/KPMG i EY a kana den hopi sekresia debí na NDA (non disclosure agreements) entre e partidonan. Kada un ku nòmber internashonal mester a pèrkurá pa kanalisá e integrashon na un forma korekto, teniendo kuenta ku tur aspekto.

Manera indiká ariba, KPMG DC a los for di KPMG International den masha bon akuerdo. https://extra.cw/kpmg-ta-bai-sigui-komo-kdc-interim/

Anteriormente EXTRA a informá kon otro Big Four ku ta PriceWaterhousecoopers (PwC) a kambia pa Grand Thornton. https://extra.cw/pricewaterhousecoopers-for-di-awe-ta-kontinua-komo-grant-thornton/

 

 

LAGA UN KOMENTARIO

Please enter your comment!
Please enter your name here