WILLEMSTAD – Awe mainta tempran outoridatnan polisial di Rio Canario mester a akudí ku urgensia na Seru Fortunaweg pa atendé ku un aksidente basta serio. Aki un pikòp a alkansá un siklista. E hòmber víktima a risibí leshon na pia i tambe tabata keha di dolo den su pechu i tabata rekerí di asistensia médiko avansá. Ambulans a presentá na e sitio i a transportá e víktima ku urgensia pa CMC. Por tuma nota kon e baiskel a keda pega bou di e pikòp.