WILLEMSTAD.- Entrante 11 di yanüari tur persona di 60 aña òf mas i grupo di riesgo por pasa pa risibí nan bakuna di COVID-19 (booster) na Servisio di Salubridat Públiko di Kòrsou, ‘Uitvoeringsorganisatie Geneeskundige- & Gezondheidszaken’ (UO G&GZ, ántes GGD) na e departamento di ‘Infectieziektebestrijding’ (IZB) ku ta situá na Piscaderaweg 49, Zakitó.

Dia:                     

Djaluna te ku djabièrnè di 8’or pa 11.30’or i di 13:30 pa 16:15’or

Grupo di edat: Personanan nasé na aña 1964 òf promé ‘walk-in’.

Grupo di riesgo pa risibí bakuna (booster) di COVID-19:

Personanan di 60 aña òf mas.

Personanan entre 18-59 aña, ku dor di nan dòkter di kas òf spesialista ta            konsehá pa tuma e bakuna kontra grip (Influenza).

Personanan entre 18-59 aña ku obesidat (BMI 40 òf mas haltu).

Personanan (kuminsando for di edat di 6 luna) ku ta mentalmente inkapasitá.

Personanan (kuminsando for di edat di 6 luna) ku riesgo médiko haltu, por ehèmpel ku un sistema inmunológiko debilitá.

Trahadónan den kuido ku tin kontakto direkto ku pashènt.

Personanan den kas di kuido (lo bishitá e kasnan di kuido, manera usual).

Informashon adishonal:

Periodo di tempu entre e último bakuna di COVID-19 i e booster aktual ta mínimo 3 luna.

Periodo di tempu entre un tèst positivo pa COVID-19 i e booster aktual ta mínimo 3 luna.

No tin di tene kuenta ku un periodo di tempu entre e ‘griepprik’ i e bakuna di            COVID-19.

Pa ta mas bon informá bishitá ret sosial Servisio di Salubridat Públiko di Kòrsou.