WILLEMSTAD.- Ministerio di Salubridat, Medio Ambiente i Naturalesa ta informá:

Departamentu Salú Hubenil na Brievengat ta aktualmente bou di rekonstrukshon.

Pa e motibu akí Gobièrnu di Kòrsou a tuma e desishon pa suspendé temporalmente e proseso di bakunashon tantu na e ‘consultatiebureau’ komo na skol pa un periodo di probablemente tres (3) siman.

Bakunashon ta operashonal atrobe den febrüari aña 2025. Ta bon pa informá ku e kuido restante na tur ‘consultatiebureau’ ta kontinuá normal sin ningun interupshon.

Kontakto ku Departamentu Salú Hubenil:

* Telefòn 6701900

* Email: info.dsh@gobiernu.cw

Ministerio di GMN ta gradesí pa komprenshon relashoná ku e situashon akí.