WILLEMSTAD – Despues ku ayera EXTRA tabatin un relato ku informashon tokante e banda Queens, awe ta toka turno na e banda Alllure.  Koleganan a sigui patruyá den kaya i a lora den Buenavista kaminda a bin topa ku Allure den ensayo pa Festival di Tumba 2026. Allure ta bai kompaña dos tumbero, Shendry Royer i Ayoni Poula. Ambos aña pasa tabatin un bon presentashon den festival di Tumba. EXTRA a komprondé ku Shendry Royer lo presentá un tumba komponé pa Gustaaf Samson. Miéntras Ayoni lo presentá un tumba komponé pa Ike Jesurun, tres bia Rei di Tumba. Esaki lo bira e di 4 aña ku Allure lo ta partisipando na Festival di Tumba.