WILLEMSTAD.- Banko Sentral ta informá ku entrante awe 13 di yüni e instituto tin un presidente interino nobo den persona di Bob Traa. Esaki a sosodé konforme e proseduranan reglá pa e hunta di komisario. A nombra Traa komo presidente interino pendiente e formalisashon di su nombramentu fiho. For di 17 di novèmber 2017 sra. Leila Matroos-Lasten tabata enkargá ku e funshon di presidente interino banda di su funshon komo direktor sekretario.

Dia 11 di mart 2019 e hunta di komisario a proponé na e minister di finansa di Kòrsou i esun di St.Maarten komo e dos mandatarionan ku ta representá doñonan di e banko sentral, pa nombra Traa komo presidente. For di e momentu ku e hunta di komisario a postulá Traa komo presidente te e fecha aki a pasa mas ku tres luna i komo tal statutonan di e instituto ta indiká ku si e representantenan di e dos paisnan no aktua dentro di tres luna riba postulashon pa presidente òf direktor di e instituto esei ta duna e hunta di komisario e posibilidat di nombra personanan den e funshonnan aki di forma temporal i esei ta loke a sosodé.

Traa tin mas ku 34 aña ku el a traha na Fondo Monetario Internashonal. Mas detaye den edishon di EXTRA.