CBCS ta atmití ku ta konsiderando pa remplasá parti di reserva di oro

WILLEMSTAD.-Banko Sentral di Kòrsou i Sint Maarten (CBCS) den un informe ta reakshoná riba ponensianan di parlamentario Charles Cooper (MFK) den kua Cooper a trese dilanti ku CBCS lo tin intenshon di bende parti di reserva di oro.

Banko Sentral ta splika ku nan a tuma nota di e diskushon den publiko riba e tema aki.  Ta asina ku CBCS ta konsiderando e posibilidat di remplasá un parti limitá den e reserva di oro ku un otro tipo di aktivo pa asina optimalisá komposishon i efektividat di e reserva ofisial. IMF ta e eksperto mundial riba e tereno akí i ta pa e motibu ei CBCS a pidi asistensia di e organisashon akí. Segun CBCS ta premirá, lo kaba di tuma un desishon al respekto rònt di e temporada di yüni pa sèptèmber. Mediante e komunikado akí, CBCS ke suprayá ku e instituto akí lo no tuma ningun desishon ku lo nifiká ku stabilidat di florin lo no ta garantisá. Mas detaye den edishon di EXTRA.