WILLEMSTAD.- Ayera durante di oranan di anochi a tuma lugá un aksidente kaminda un outo i tambe un motosaikel tabata envolví. Na e sitio por a komprondé ku shofùr di e motosaikel a slou despues ku shofùr di un vehíkulo su dilanti tambe a slou.

Pero shofùr un vehíkulo ku tabata parti patras di e motosaikel no a tuma nota di esaki i e la kore i bin dal di un forma hopi fuerte tras di e motosaikel. Remarkabel ta ku loke a skapa e motosikleta un parti ta e bara largu pega riba e motosaikel ku últimamente ta hopi den notisia.

E bara aki a pone ku e vehíkulo a subi e bara mes na promé instante i no a alkansá e shofùr mes. E motosaikel a keda zuai na un distansia i finalmente paga di su mes. Pero si e choke a laga e motosikleta leshoná na lomba.

Forensys a presentá na e sitio pa atendé ku e aksidente pa demas investigashon.