PHILIPSBURG.-  Un barku krusero britániko ku República Dominicana a nenga ayera djabièrnè, a kue direkshon isla di St. Maarten.

Funshonarionan dominikano a bisa ku a nenga e barku Braemar mara na e haf di Romana, kaminda e mester a finalisá su biahe, pasobra e kapitan a informá ku kuater filipino, dos britániko i dos merikano tabata bou di opservashon pa kayente kurpa, tosamentu i difikultat di hala rosea.

E empresa Fred, Olsen Cruise Lines a bisa den un komunikado ku a detektá algun kaso paresido na e grip na bordo di e barku i ku e ta parse di ta relashoná ku e Corona Vírus i ku tur esnan ku tabata malu ya a rekuperá.

“Nos ta konsiderá ku esaki ta un reakshon eksaherá pa parti di República Dominicana”, asina Fred Olden a bisa.

Outoridatnan a bisa ku e barku tabata transportá 1128 persona den nan mayoria britániko i 384 miembro di tripulashon.

E barku a bai St. Maarten i tabata spera ayera mainta e outorisashon pa e mara, asina funshonarionan di haf a bisa.

Riba nan wèpsait por a mira ku e barku mester a rekohé un kontinente nobo di pasahero i kuminsá ku su biahe di nobo djaweps anochi mes. E empresa a bisa di a manda un ekipo pa República Dominicana pa asistí e regreso di su pasaheronan.