WILLEMSTAD.-Un ratu pasá EXTRA a kapta e momentu ku e barku a drenta haf di Kòrsou ku partinan di mulinanan di bientu. Manera ta konosí e kompania di utilidat lokal a hasi bastante preparashon pa transporte di e piesanan pa kosta nort unda lo bai instalá e mulinanan finalmente.

Despues di yegada awe di e barku ku e mulinanan riba dje, ta kuminsá ku transporte di e diferente komponentenan di e mulinanan djaluna 29 di yüli. Ta sali for di Brionwerf ku direkshon pa e tereno kaminda ántes tabata fábrika di Amstel riba Nieuwe Haven. Por a tuma algun siman kaba ku tin e trabounan di adaptashon di kaya tumando lugá, entre otro tambe a limpia e tereno di Amstel pa pone mulinanan riba dje.