WILLEMSTAD.-EXTRA a tuma nota di un tankero grandi ku a yega Curaçao Oil Terminal (COT) na Bullenbaai. Informashon èkstra ofisial ta mustra ku lo ta trata di e barku ku mester buska e produkto ku ta den tanki na COT pa basta tempu kaba.

Manera ta konosí Refineria di Kòrsou (RdK) a gana e kaso kontra tur otro grupo ku a bisa anteriormente ku nan tin derecho riba e produkto den tanki. E kompania Curaçao Petroleum Refinery (CPR) a pèrdè e kaso den korte debí ku nan no tabata kumpli ku pago di hür di instalashonnan Bullenbaai. Apesar di e reklamá ku e tankinan na COT ta defisiente ei tambe otro problemanan, korte a duna RdK rason pa pone beslag i bende e produkto den tanki.