WILLEMSTAD.- Ayera nochi den kareda di 10’or pasá tabatin un bashamentu di bala den Kaya Dario Salas na Brievengat. Niun hende a keda heridá, pero si dos vehíkulo ku tabata stashoná den bisindario i otro den kurá di kas a haña perforashon di bala. Abitantenan di e kasnan i tambe esnan den e kaya a keda ku bastante sustu di loke a pasa den nan kaya. Polis a sera e kaya hermétikamente pa por hasi investigashon.