WILLEMSTAD.- Kompania Baskin-Robbins ayera tabatin un aktividat pa tur mucha i hóben na Kòrsou ku a haña un diploma e aña aki. Tur persona, inkluí hende adulto ku a haña un diploma, por a bin na un di e filialnan di BR. Baskin-Robbins ayera entre 16 i 18 or di atardi a parti mas ku 460 ‘scoop’, ku ta nifiká ku mas ku 460 persona a bin I buska nan ice-cream por nada, pasobra nan a bai over.

Tur filialnan di Baskin-Robbins na Saliña, Santa Maria, Brievengat, Eden Mall I tambe na Brionplein a partisipá na e aktividat. Segun e kompania e muchanan a gosa un bòl ku nan free eiskrim.