WILLEMSTAD.- Djamars 26 di mart Sentral di Polis a risibí informashon ku un beibi di dos luna a bira malu na un krèsh i ku mester di ambulans ku urgensia na e sitio.
Ambulans a yega rápidamente i a transportá e beibi kompañá ku su mayornan, pa Sala di Emergensia di C.M.C. For di informashon preliminar ku polis a risibí na e sitio, a resultá ku un lider tabata okupando su mes ku kontrol den e kamber di beibi i direpente a tuma nota ku e beibi su koló a kuminsá kambia.
Mesora e lidernan di e krèsh a drenta akshon i a kuminsá ku reanimashon di e beibi sperando yegada di ambulans. Personal di ambulans na nan yegada a tuma over, pero no por a evitá ku mas lat e beibi a bin fayesé den hospital.