WILLEMSTAD.- Ayera funshonarionan di MEO i tambe GMN a keda dirigí pa un restorant situá riba Rooseveltweg.
Esaki despues di a risibí algun informashon ku lo mester tin algun kos ilegal i kontra di lei tumando lugá na e sitio.
Na nan yegada, mesora e funshonarionan a tuma nota ku tin bendementu di number ilegal tumando lugá.
Na momentu ku nan a pidi pa e bukinan, e propietarionan a bai saka un kantidat di buki di number ilegal ku tabata bon skondí den e establesimentu.
Tambe a konstatá ku un biaha mas komersiantenan ta yena bòter di di Wiskey pa klientenan.
Pues bòternan sushi ta keda re-usa.
I algu insólito ku a keda konstatá un biaha mas, ta bendementu ilegal di píldora pa stimulashon seksual ku tabata keda bendé den e restorant aki.
E komersiantenan no tabatin un splikashon bálido pa e funshonarionan.
A sera e establesimentu aki te ku un próksimo aviso te na momentu ku doñonan atendé ku limpiesa di e establesimentu i tambe drecha algun punto ku MEO a duna nan.
E komersiantenan mester bai remodelá e establesimentu kompletu debí ku e ta parse mas un bodega i no un restorant