Investigashon di American Cancer Society

WILLEMSTAD. - Un investigashon realisá pa American Cancer Society, ta revelá ku na Hapon for di dia ku a introdusí e revolushon den humamentu IQOS, benta di tabako komun a baha. E investigadónan ta haña ku ta remarkabel ku awor aki e benta ta baha den un forma drástiko, despues di introdukshon di IQOS na Hapon.

E loke ku ta pone ku e investigadónan ta relashoná e bahada di uso o sea benta di tabako na Hapon, ta ku e resultado di e investigashon, segun e fechanan ku e investigashon a tuma lugá, ta netamente e fecha nan ku a introdusí IQOS na Hapon.

Pues e investigadónan ta buskando e impakto ku e produkto IQOS a hasi na Hapon.

Tur kos ta indiká ku e benta di tabako komun ta sigui baha. E investigadornan ta bisa ku e patronchi di e komportashon internashonal sin mas ta bai pa e kambio.

Tur dia mas i mas hende ta kambia di tabako komun pa e sistema di huma ku ta keinta e tabako. IQOS ta ganando un un parti supstansial di e merkado di tabako.

IQOS a krese rápidamente i asina tambe por tuma ku keinta tabako a gana ya kaba kasi 15% di e merkado di tabako.

Mas ku klaro Philip Morris International (PMI) ta gradesido ku e investigashon ku a tuma lugá i hasi asina tambe hendenan konsiente pa laga sigaria kai i kambia pa keinta tabako.

E investigashon realisá di parti di PMI mes ta logra sifranan hopi signifikante.

Tur kos at indiká ku e usadónan di IQOS por hasi un transishon kompleto i keda leu for di tabako tradishonal i kambia pa IQOS.

E atministrashon di Alimento i medisina di Merka konosí pa FDA, na luna di aprel último a aprobá pa komersialisá IQOS na Merka. Esaki ta un konfirmashon ku e sistema di uso di tabako aki ta apropiá pa protekshon di salú públiko.

E aprobashon aki a bin despues ku PMI a entregá nan petishon na aña 2017 i ta logra aprobashon na aprel 2019.

Miéntras Kòrsou a konbertí den un di e promé paisnan den Latino Amérika ku ta ofresé e inovashon teknológiko di IQOS na humadónan adulto.