WILLEMSTAD.-Manera EXTRA a informa un ratu pasá Trahadónan di e instituto di kuido Betesda a pone trabou abou den forma di solidaridat na algun kolega ku a haña tende di gerensia ku nan lo haña retiro entrante promé di yüli próksimo. Den kombersashon ku presidente di e sindikato CBV Johnsel Diaoen, el a splika ku CBV ta na mes ku gerensia i direktiva di Betesda riba plannan ku tin riba mesa den kuadro di reorganisashon di e instituto. Siman pasá djabièrnè a presente plannan na Trahadónan ku e intenshon ku djarason awor lo bolbe bai Trahadónan pa sigui trata e asuntu, sinembargo awe di forma relámpago Trahadónan mes a disidí di start un akshon. CBV mesora a presentá pa duna sosten na su miembronan.

Despues di reuní ku gerensia i direktiva awe mainta riba e situashon ku a surgi partidonan a disidí pa kita e plannan for di mesa pa e momentunan aki. Diaoen a keda positivamente sorprendí pa e echo ku un delegashon di ministerio di GMN mes a presentá na e sitio i yuda analisá e situashon i asta a proponé pa yuda pensa. Pues awor partidonan ta bai buska solushon di otro manera. Echo ta ku den salubridat e tópiko finansa ta keda un situashon serio. CBV no ta kere den buska solushon. E sindikato ta na altura di un rapòrt di inspekshon di salubridat di 2016 den kua ta mustra ku mester atendé ku mas efisiensia den Betesda. Mas detaye den edishon di EXTRA.

Betesda ke retirá 4 trahadó den kuadro di kòrta gastu

Trahadónan Betesda den akshon relámpago

WILLEMSTAD.-Trahadónan di e kas di kuido Betesda a pone trabou abou un ratu pasá den forma di solidaridat ku nan koleganan. Gran mayoria di trahadó ta pafó, a laga djis algun kompañero paden pa keda ku bista riba e pashèntnan.

Un bosero di e grupo di trahadó a splika ku djabièrnè último gerensia di Betesda a yama un reunion ku Trahadónan i a informa ku ta duna retiro na kuater trahadó di mantenshon. A proponé e Trahadónan aki un kompensashon ku e indikashon ku nan mester tuma desishon awor un bes pasobra e retiro mester drenta na vigor entrante 1 di yüli próksimo. EXTRA tabata den kontakto ku presidente di CBV Johnsel Diaoen ku a bisa ku nan ta den reunion ku direktiva di Betesda.

Banda di e 4 Trahadónan di mantenshon tin 2 otro trahadó ku ta trahando 100% aktualmente pero ku gerensia ke pa nan bai traha 50%. Tur esaki den kuadro di redukshon di gastunan den e instituto.

E Trahadónan a bisa ku nan ta malkontentu ku e forma ku a yega benta e desishon riba Trahadónan, sin duna espasio pa e hendenan studia si loke ta ofresé nan ta algu ku ta bon òf no. Trahadónan ta konta riba CBV, pero si CBV no ta defendé nan interesnan nan ta kla pa bai ‘all the way’. Mas detaye den edishon di EXTRA.