WILLEMSTAD.- Resientemente durante di un evento pa broker ASKA Insurances a anunsiá ku ta bai tin e oportunidat pa dos kliente ku sera un pólisa nobo, por biaha pa Miami pa presensiá Serie del Caribe 2024. Pa asina por mira selekshon di Kòrsou hunga durante e torneo aki.

ASKA Insurances ta forma parti di e grupo Multinational ku ta un grupo di kompanianan di seguro di famia Carrero ku presensia na entre otro Puerto Rico i Panamá. Famia Carrero aparte di kompania(nan) di seguro ta tambe ko-propietario di Miami Marlins, ku lo ta e anfitrion nan di Serie del Caribe 2024.

E kampana “GRAND SLAM” ta duna dos kliente e chèns di gana un biahe pa Miami ku tur gastu pagá, i ku oportunidat pa subi riba tereno di wega pa eksperensiá Serie del Caribe 2024. E ganadónan otro aña febrüari por sinta wak wega di Serie del Caribe, den e palko di honor di Multinational Insurances den Loan Depot Stadium.

Pa por bini na remarke pa gana e premio aki bo mester será un seguro nobo di ASKA Insurances sea di outo all risk, seguro di kandela i/òf konstrukshon (individual òf komersial), bida, rísiko i seguro di entiero eksklusivamente via di un broker di seguro.

E kampana aki ta bálido kuminsando 1e di òktober te ku 31 di desèmber i e  felis ganadornan lo wòrdu anunsiá na yanüari 2024.